|
| <BCN local">
今年太歲年, 發生好多預料唔到既事..
唔可以話事情通通唔順利..
只不過好似要面對多無數次難以決擇既關口.. 搞到自己成日處於極煩惱狀態..
每每要選擇都想兩全其美.. 就算係幾難做到都務求左右兼並..
但最後發現唔係所有野都咁如意, 唔係努力就得做到..
一切考驗可能都係因為不甘平淡, 凡事唔肯逆來順受惹黎既惡果..
"有失必有得" <-- 我深深體會既座右銘..
英國不確定既煩事..
迫我地尚未settle就要立定決心離開..
但離開既感覺竟然係興奮.. 比起由澳門去英國時興奮多好多..
充滿期待地離開..
上一年既西葡之旅, 刻意留返巴塞隆拿唔去..
覺得呢個係一個好特別既城市.. 浪漫掛.
點都要留返之後同男朋友先一齊去..
事隔一年.. 估唔到已經可以願望成真..
而且一黎就已經唔係以遊客身份..
買既旅遊書: Barcelona, Complete Resident's Guide.
幸好遇到個超熱血既alumni.. 韓老師..
熱血, 皆因佢既激昂.. "如果你能被录取将刷新这一记录呵呵！"
我咁緊迫轉校既情況下都可以協助我及時9月入學..
覺得好好彩.. 唔夠工作經驗既我都入到MBA.. 離開澳門前都完全冇諗過..
開頭返學都有少少刻意去隱瞞自己既年齡..
唔想俾人覺得我好細個.. 點會咁都收我..
呢位韓老師晌我入學前提醒 :
"其实看了你的情况我本人还是非常欣赏你的。
N多年前我读本科的时候的成绩单与你很相似，我知道这中间包含着你很多的心血。
俗话说自助者天助也，现在了解了你们的情况，我会尽力帮你们实现计划的。
不过打个预防针，EADA的master跟公立大学不一样，将会非常非常的辛苦。
特别是MBA，读案例到深夜是很普通的事。
我当年在EADA读书的时候基本没有周末的，就住在巴塞主球场旁边，
常常听到里面传出来的呐喊声，却从来没去看过球，我把时间都给了我的MBA。
巴塞罗那真是一个美丽的城市，你会爱上她的。"
起初都唔太覺得會係咁辛苦.. 至少其他人得我都得..
而家終於感受到"時間都給了MBA"既感覺..
未開始上堂見schedule有4日假期仲諗住可以plan下去周邊城市..
到頭來原來會忙到攰到出街都唔願....
見到自己既不足.. 終於明白點解MBA係適合大d年紀同多經驗既人..
即使我每晚努力咁準備d case.. 到上堂總係唔太夠人搶答咁..
一黎經驗, 二黎自信, 三黎culture...
唯有不斷都迫自己入一個超快諗野極速舉手既狀態啦..
每日處於comfort zone外.. 唔知一年後會有幾大進步呢~
唔知係人太攰, 發生太多事, 定係人大左..
好似冇咁想不斷衝不斷闖既感覺.. 身處歐洲唔周圍去似乎有d浪費..
但可能都係時候停一停...
呢刻只係好想晌個城市settle好, 安安定定, 放假學下西班牙文咁..
感受一下巴塞既每一個節日, 感受一下做巴塞隆拿居民既感覺~
| | |
| <列斯">
黎英國前一兩個月先發現原來Google Map晌英國地區好先進..
打個地址, 出左地圖, 拉個人仔落個map度, 就可以睇晒沿路兩旁..
當時.. 急不及待用呢個對我黎講咁新穎既科技, 試走列斯街道......
University of Leeds.. 兜兜轉轉決定到呢間學校..
而對Leeds僅有既印象.. 大概係源於好幾年前仲係踢超級聯賽既列斯聯~
"列斯.. 咪全部都白色囉" "下.. 點解白色?" ... "佢套波衫"
不知不覺已經到達兩個禮拜, 比我想像中得人喜愛既城市..
城市唔大, 而且住宿學校都近市中心.. 需要去既地方, 行路都能夠去得到..
比起London, Manchester.. Leeds就好似馬路連埋旁邊既大廈一齊縮細版..
街道充滿住歷史氣色卻不致於令人嘩然..
有如澳門一樣, 細小, 密集, 親切, 方便, 不匆忙..
英國既一日四季, 陰陰寒既夏天, 令我不禁懷念出滿陽光既Vegas好天氣..
回想一下, 原來闊別上一次讀書生涯, 已經兩年半..
同樣西方國家既美國英國, 住落黎就知道兩個地方難以相提亦論..
雖然冇刻意安排去邊度讀書, 但能夠依序由美國再到英國都算係唔錯既選擇..
起碼大學時能夠活於美國既viva, 而家再大個d能夠領會英國既認真..
真係唔知今次出國又會離鄉幾耐..
矛盾在鍾意澳門卻不斷離開.. 將生命至今五份一既回憶都記載於異國..
曾幾何時會仲恃住自己年輕, 口響響話25歲後先求穩定..
仲話女人25歲就要停低架喇.. 要結婚生仔..... 當時仲覺得會係幾遙遠既事..
時間真係話過就過.. 計計下原來讀埋畢埋業都差唔多25..
我既安穩永久回歸澳門大計.. 唔知會推延到幾時呢~
| | |
| <第一年">
若非xanga有時間記錄..
都唔會記得上一次寫weblog已經相隔幾耐..
今日, 比起任何一個日子更重要既今日..
我地既第一年..
雖已共同經歷足一年..
一齊既感覺依然係神奇, 係難以置信..
一年前決定一剎.. 扭轉我既人生..
進入我生命唔單只一個人.. 而係一個世界..
年份不單止係數字.. 而係回憶既每一章..
第二年既開始, 剛好印證著新一章到臨..
迎接共在異鄉既第二章~
| | |
| <旅情">
"旅情".. 唔係我同音取詞..
之前坐電車讀單字之際巧遇既日文語彙:
りょじょう - {名} 旅行中的微妙心情
旅行既時候特別鍾意去感受..
大概因為難得.. 會更加著重珍惜感受既機會掛..
一個人.. 所感受到會因應地方, 時間, 天氣, 場景, 心情, 氣氛, 經過既人, 遇到既事... 而改變~
兩個人.. 感受 = 地方 x 時間 x 天氣 x 場景 x 我倆心情 x 氣氛 x 經過既人 x 遇到既事 x ... x 你 x 我
得出既變數更加無窮盡.. 一期一會既意味就更加能夠顯露~
當中既喜怒哀樂.. 將要同情景掛鉤..
哪怕此處只會再變回地圖上既一點.. 所有情節已經化成我倆共同回憶.. 一點一滴累積~
即使時間要將我地既記憶漸漸沖淡.. 事情已經對我地既相處作出變化.. 遂少遂少融合~
獨處&共處
雖然兩個人送機.. 滿腦子充滿幾個鐘後沉重分開..
即使一個人接機.. 沿途中抱住將要重聚興奮心情..
原來人總習慣將心情寄託於將來既幻想..
分別前.. 明知要珍惜相處時間要開心渡過.. 但始終未能致用..
每到最後兩三日總係控制唔到將要分開既傷感情緒~
一連十一日.. 東京 + 近郊 + 男主角之旅~
到過港澳人機乎都要去熱鬧一番既新宿原宿表參道涉谷池袋..
上過已經掛滿冬日燈飾既橙色東京鐵塔..
晌築地食有海洋味既壽司.. 戈一隻晌個碟度仲抽搐緊嚇親我既牡丹蝦..
玩遍台場所有主題商場.. 第一次同鍾意既人感受摩天輪既幸福..
歷過富士山下河口湖既寒冷.. 紅葉回廊下影出黎既我倆.. 你帶俾我既溫暖..
到有美麗海旁既橫濱.. 走入被千百條魚包圍住既Sea Paradise..
富有特色既Chinatown.. 居酒屋..
機乎無人知曉既川越.. 有江戶味既街道.. 有感動味既浪漫石燒.. 有聽得到你我願望既プリヤ..
一波三折到達既江之島.. 為左要到龍島之鐘.. 掛上我地再拆唔開既鎖~
終於到達箱根旅館.. 浸我地既私人溫泉..
到小王子博物館.. 搭纜車上大涌谷食廷年黑色蛋.. 望見對面既富士山.. 穿過山中無數不同顏色既樹..
彫刻之森.. 有溫泉水浸腳既戶外博物館..
仲有已經充滿聖誕色彩既東京Disneysea.. 共渡我地既Harborside Christmas~
你食我第一次煮既意粉.. 晚餐.. 每朝享受早餐.. 仲有亂放搞笑食物入去煮我地既日式火鍋..
你亦到過我每日上日文堂既赤阪.. 返學放學經過既公園, 六本木, 廣尾站..
晌南麻布.. 去過我夜晚讀course既大學.. 返屋企途中既八分鐘位..
我會經過入去買包買飯團既便利店.. 我嘟卡搭電梯再要用盡技巧開門既605號室~
知道你而家電話中每聽到我既生活情節都能夠幻想出畫面.. 感覺原來係幸福架~
以上每一處..
都曾經由幻想當你黎到我要點樣介紹.. 到你到日本一齊經過呢D地方發生既傻事..
再到之後得返我一個人回味路上既回憶....
旅情.. 當中既共嗚.. 大概只有一齊經歷過才感受到~
陪伴住我渡過呢段東京生活既每一日.. 公園既樹葉..
漸漸變橙色.. 變鮮紅.. 變暗紅.. 變落葉.......
隨住換季犧牲既樹葉.. 引證住冬天既來臨..
亦代表住我離回家既日子.. 已不遠~
| | |
| <一百日">
Moon river.. no te olvidaré, yo no me dejaré llevar...
第三次為日文黎到日本..
由岡崎到京都到東京..
住遍鄉村.. 古城.. 再住入呢個大都市..
千二萬人中渺小既我.. 亦每朝繁忙時間晌已經迫唔入既東京地鐵上再多佔一個僅僅企得到既位置~
以往遇到學日文既人都習慣每年重複到同一地方..
"方便.. 熟悉.. 有保障......."
我偏要依照自己愛動盪既性格..
將我既足跡踏遍每一處..
做每間學校, 每個家庭, 每間宿舍, 每棟屋苑, 每位教師同學遇到既第一個 "澳門人"..
為今次加插上額外課程..
Temple University - Japan Campus, Certificate in International Business Communications
所以選擇東京..
起初希望為resume加添學習經驗.. 同時避免兩份工之間不必要既時間空隙..
黎到先發現Professor既認真.. 同學既質素..
即使生活美國多年.. 都從未遇過咁多可以完全充滿自信冇口音地講英文既日本人..
遇到既唔係一兩個.. 而係每一個.. 相信都已經晌職場上拼搏多年....
久違既學校生活.. 有幸人生中能夠有機會晌日本既大學院體驗踏入課室既情況..
發言交流.. 新知識等等.. 好讓我為將來MBA做好準備..
Two Drifters off to see the world.. There's such a lot of world to see...
香港---東京
飛機上.. 又再聽到Moon River~
諗起近兩次聽到呢首歌.. 最滿足最幸福既分秒.. 當時眼前只有你..
過完濃縮時間既8日.. 分別於香港機場..
"從機艙望向跑道.. 迅速身處萬尺高空.. 我留下你......"
東京, 夢寐以求玩樂城市..
坐旁邊既情侶.. 歡天喜地計劃抵後既行程..
唯獨我既眼淚不斷流.. 聽住依然播緊既呢首歌..
"....... Moon river... adiós"
身似浮雲, 心如飛絮, 氣若游絲
第一個月紀念日..
第三個月.. 一百日.. 第四, 第五個月........
不平凡地開始.. 不一樣地渡過..
每一重體驗.. 將會令我地更珍惜.. 更愛~
距離
唔係因為怯..
因為愛.. 已經唔想再分隔兩地...
旅行
唔係因為倦..
因為愛.. 已經唔願再單獨旅行...
會懷念亦慶幸曾經一個人到異地亂闖過..
永遠不忘呢種感覺..
但呢刻我發現原來做任何古怪稀奇事.. 發掘任何奇異新事物...
過程都要有你, 先會有意義~
旅行書上.. 異國街道風景依然會令我心跳..
依然會好想好想闖入書上既相入面.....
將來post出黎既每張相..
再唔會只見到被稱為 "孤單的Peter" + 風景架喇..
而係用遍世上各種語言試問途人 "可唔可以幫我地影張相?" 而影出黎既我倆~
期待住以東京為背景.. 相中既男主角~ ♥ | | |
|
Lifetime